Nokia, smartphone-i i rikthimit

Smartphone-i që do të shënojë rikthimin e Nokias në këtë sektor, pas ndarjes nga Microsoft, mund të quhet C1 dhe do të ketë një ekran prej 5 polsh.

Nga zërat që qarkullojnë dalin edhe prototipet e para të kësaj pajisjeje të publikuar në rrjetin social kinez Weibo. Telefoni me sistemin operativ Android, nuk mund të hyjë në treg para 2016, siç dhe parashikon marrëveshja e firmosur me Microsoft.

Smartphone-i do të ketë kamerën e pasme prej 8 megapiksel, dhe atë përpara prej 5 megapiksel. Dizajni duket i njëjtë me Nokia N1, tabletin i prezantuar nga Nokia në nëntorin e kaluar, dhe tashmë ndodhet vetëm në tregun kinez. N1 është një produkt i shpërndarë nga kinezja Foxconn, e njëjta kompani që merret me prodhimin e pajisjeve Apple.

Gjithnjë sipas zërave që qarkullojnë, Nokia ka nisur bisedimet me Foxconn edhe për telefonin e saj. Hipoteza e hyrjes së Nokias në tregun e smartphone ishte hedhur muajt e kaluar nga vetë kompania finlanedeze, transmeton Top Channel.
 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s'kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.