AAK: Masakra Reçakut, dëshmia e gjenocidit në Kosovë

Një delegacion i Aleancës për Ardhmërinë e Kosovës, i përbërë nga deputetë, kryetarë komunash e struktura të tjera, kanë bërë homazhe në 21-vjetorin e masakrës së Reçakut.


“Masakra e Reçakut është dëshmia e krimit gjenocidial në Kosovë, që shënoi momentin vendimtar të kthesës në luftën dhe përpjekjet për liri dhe pavarësi”, thuhet në kumtesën e AAK-së.

“Ky akt çnjerëzor tronditi ndjenjat e botës demokratike dhe mobilizoi Perëndimin, që me forcë ta ndalte shfarosjen e një populli.

Me respektin më të thellë, përjetë do t’i kujtojmë të gjithë martirët, dëshmorët dhe heronjtë, që me flijimin e tyre u bënë gurthemel i lirisë sonë”, thekson njoftimi.