Kryeministri Albin Kurti ka vendosur që ta heqë pjesërisht taksën ndaj mallrave serbe.
Mirëpo, ky vendim i të parit të Qeverisë nuk është për taksën në tërësi, por vetëm për lëndën e parë, shkruan Reporteri.
“Pas takimeve me prodhuesit vendorë, kam ardhur tek ky qëndrim sa i përket tarifës 100%. Si Qeveri e Kosovës, në javën e ardhshme do të vendosim që më 15 mars të hiqet taksa ndaj lëndës së parë”, ka thënë Kurti.
Këtë gjë, i pari i Qeverisë e ka cilësuar si një mesazh se pala kosovare është e gatshme për bashkëpunim.
Kurti i ka bërë thirrje Serbisë që ta ndalë fushatën për çnjohjet dhe të sillet me korrektësi.