Aksionin e PSD-së kundër kryetares së Gjykatës Speciale, e ka komentuar edhe profesori universitar, Blerim Latifi.

Latifi ka kritikuar mbështetësit e Thaçit, për të cilët thotë se u erdhi dita që Dardan Molliqaj të protestojë në mbrojtje të Hashim Thaçit, ndërsa ata ta marrin vesh lajmin nga portalet, shkruan Gazeta Online Reporteri.net.

“E pritëm edhe kët’ ditë: Dardan Molliqaj me protestu për Hashim Thaçin, ndërsa aktivistët e PDK-së e marrin vesh lajmin nga portalet”, ka shkruar Latifi.

Kujtojmë se gjatë mëngjesit u arrestuan Dardan Molliqaj dhe disa aktivistë të PSD-së, të cilët po e kundërshtonin konferencës e kryetares së Dhomave të Specializuara, Ekaterina Trendafilova.

PSD-ja, ndërkohë, e ka quajtur të dhunshëm arrestimin e aktivistëve të saj, duke kërkuar lirimin e menjëhershëm të tyre.