Qindra objekte me ujë dhe kanalizime në Gazë janë të dëmtuara ose të shkatërruara prej kur Izraeli nisi sulmin ushtaraj kundër Hamasit, ka zbuluar analiza satelitore e BBC-së, përcjell Reporteri.net.

Gjithahtu, një depo e madhe e furnizimit me ujë është dëmtuar totalisht.

Mungesa e ujit të pijshëm dhe të pastër, po ashtu rrjedhojat e ujërave të zeta të patrajtuara, përbëjnë një kërcënim serioz për shëndetin.

Këto shkatërrime vijnë pavarësisht detyrës që Izraeli të mbrojë infrastrukturën kritike sipas rregullave të luftës, kanë thënë avokatët e të drejtave të njeriut.

Uji i pastër ka qenë gjithmonë një burim i kufizuar në Gazë dhe territori është mbështetur kryesisht nga një sistem pusesh dhe impiantesh.

BBC raporton gjithashtu se nga ky satelit është zbuluar se katër nga gjashtë impiantet e trajtimit të ujërave të zeza – vendimtare për parandalimin e grumbullimit të ujërave të zeza dhe përhapjes së sëmundjeve, janë dëmtuar apo janë shkatërruar. Dy të tjera janë mbyllur për shkak të mungesës së karburantit ose furnizimeve të tjera.

Shkatërrimi i këtyre objekteve të ujit dhe kanalizimeve, ka çuar drejt “pasojave katastrofike shëndetësore për popullatën”.

“Përqindjet e sëmundjeve darreike janë rritur në mënyrë katastrofike”, tha doktoresha Natalie Roberts, drejtoreshë ekzekutive e Medecins Sans Frontieres në Mbretërinë e Bashkuar.

Në rastet më të këqija, një sëmundje e tillë mund të vrasë fëmijët e vegjël dhe të pambrojturit.

Shkalla e hepatitit A – që gjendet në ujin e kontaminuar dhe veçanërisht e rrezikshme për gratë shtatzëna – janë gjithashtu të larta.

“Kjo po vret njerëzit”, tha tutje ajo./Reporteri.net/.