Deputeti i AAK-së, Gazmend Syla, u ka bërë thirrje të gjithë aktivistëve dhe mbështetësve të Vetëvendosjes, që të mos përkrahin partinë e Kurtit, në një mision që ai e quan vëllavrasje.
Ai ka thënë që përmbysja e shtetit prej pozicionit të pushtetit, është praktikë millosheviqiane.
Kjo është thirrja e plotë e Sylës:
Breza e breza kanë luftu që një ditë me ardh liria.
Idea që prej pushtetit me e përmbys shtetin, është ide dhe praktikë millosheviqiane.
Ju bëj thirrje aktivistëve dhe mbështetësve të LVV, të cilët me mundin e sakrificën e tyre janë pjesë e historisë më të re të popullit tonë, para dhe gjatë Luftës Çlirimtare, por dhe pas lufte në shtetndërtim; të mos përkrahin ide të tilla që çojnë në vëllavrasje.
Kjo tokë edhe ashtu, ende është e njomë prej gjakut të mijëra e mijëra liridashësve tonë. /Reporteri.net/