Deputeti i VV-së, Arbër Rexhaj ka qenë i ftuar mbrëmë në emisionin DPT te Fidani në ATV, ku ka thënë se nuk ka pazare nga qeveria lidhur me sigurimin e votave për anëtarësimin e Kosovës në Këshill të Evropës.

Rexhaj tha se e vetmja kërkesë ka qenë është ai për zbatimin e vendimit të Manastirit të Deçanit.

“Ka pasur një kërkesë të vetme të shteteve të ndryshme, të zbatohet vendimi për Manastirin. Dhe e vetmja kërkesë ka qenë kjo dhe në këtë relacion Kurti thotë në mbledhjen e qeverisë “E kam thirrë arsyen dhe kam vendosur që ta zbatojë vendimin e Kushtetuteses”. Dhe me plot mend është kërkesë legjitime. I vetmi “deal” është. Nuk kemi rrugë as mënyra tjera për ti ikur, dhe kemi vepruar, dhe vendimi është tashmë i plotësuar. Sa i përket Asociacionit, kemi thënë që kemi një marrëveshje me Serbinë, e cila është dakorduar mes Kosovës por jo edhe për Serbinë sepse Serbia në tre pika të saj, po thotë që marrëveshja për mua është e papranueshme”

“Nuk kemi bërë kompromis për votat për anëtarësimin në Këshill të Evropës”, shtoi tutje ai.