Deputetja nga Turqia në Asamblenë Parlamentare të Këshillit të Evropës, Seda Gören Bölük befasoi në diskutimin për anëtarësimin e Kosovës në KiE, duke treguar se është me prejardhje nga Kosova.
Ajo shprehu mbështetjen e Turqisë për anëtarësimin e Kosovës në Këshillin e Evropës, duke thënë se procesi integrues i saj “nuk ka kthim mbrapa”.
“Ne besojmë që problemet e përmendura në raport nuk duhet të shihen si pengesë për anëtarësimin e Kosovës në Këshillin e Evropës”, tha ajo, përcjell Express.
“Me këtë besim, si parlamentare, me prejardhje nga Kosova, e mbështes plotësisht, me gjithë zemër, raportin dhe rekomandimin për anëtarësimin e Kosovës në Këshillin e Europës”, tha Seda Gören Bölük.
Po vazhdon diskutimi në Asamblenë Parlamentare të KiE për anëtarësimin e Kosovës, flet Bakoyannis