Anëtari i kryesisë së Lidhjes Demokratike të Kosovës, Muhamet Hamiti ka reaguar pas teelfonatës së kryeministrit Albin Kurti për bisedën me kancelarin gjerman, Olaf Scholz, të cilit i tha se riafirmon “zotimin tonë për zbatim të plotë të marrëveshjes bazike”.

Hamiti tha se Kurti me këtë telefonatë ia ka konfirmuar kancelarit gjerman zotimin për zbatimin e marrëveshjes me Serbinë.

“Autonomia është më shumë se “Zajednicë”! Në bisedë telefonike me Kancelarin gjerman Scholz, Kryeministri Kurti e paska riafirmuar “zotimin tonë për zbatim të plotë të Marrëveshjes Themelore”. Kjo përfshin edhe autonominë politike-territoriale për serbët, që Albin Kurti e ka pranuar në emër të Kosovës.”
Hamiti ka thënë se autonomia është më shumë se “zajednicë”.

Hamiti po ashtu tha se vetëmenaxhimi që Kurti u pajtua, është autonomi politike-territoriale për serbët e Kosovës, në kundërshtim me Kushtetutën e Republikës së Kosovës

“Ky dhe VV-ja e tij gjoja e kundërshtonin Asociacionin (“Zajednicën”). Si t’u besosh kur Kurti vitin e kaluar ofroi/pranoi (si ta marrësh) “vetëmenaxhim”, autonomi politike-territoriale për serbët e Kosovës, në kundërshtim me Kushtetutën e Republikës së Kosovës. Autonomia është më shumë se “Zajednicë”.”