Forumi për Gratë, Paqen dhe Sigurinë i mbajtur në Prishtinë, organizuar nga presidentja e vendit, Vjosa Osmani ka nisur me një minut heshtje për gruan e vrarë mëngjesin e sotëm në Pejë, shkruan Reporteri.net.

I dyshuari në këtë rast, Gazeta Online Reporteri.net merr vesh se është bashkëshorti i saj, Edmond Lajçi.

Lidhur me këtë ngjarje, para nisjes së Forumit, foli edhe e para e shtetit. Osmani tha se në ditën e parë dje të këtij forumi, gjithë kohës është folur se si të ndalet dhuna ndaj grave, dhe sot, siç tha ajo mëngjesi ishte i tmerrshëm për të gjithë.

E para e shtetit tha se ky femicid ka marrë përmasa të jashtëzakonshme dhe duhet të ndalet me çdo kusht.

“Fatkeqësisht sot jemi zgjuar të gjithë në mëngjes me lajmin e tmerrshëm për vrasjen edhe të e një gruaje nga bashkëshorti saj. Ky fenomen i tmerrshëm që po e plagos shoqërinë dhe shtetin tonë, ky femicid i cili për fat të keq ka marrë përmasa të jashtëzakonshme duhet të ndalet me çdo kusht dhe mënyra e vetme për ta ndalur atë është në qoftë se ri zgjohemi të gjithë si shoqëri, si shtet e si komb”, tha Osmani./Reporteri.net/

Vrasja e gruas në Pejë, Osmani: Ky femicid të ndalet me çdo kusht, nuk kemi jetë vajzash e grashë për të humbur