Gjashtë persona kanë mbetur të lënduar, si pasojë e një aksidenti mes një kombi dhe veture, që ka ndodhur pasditen e së mërkurës në fshatin Drenoc të Klinës, shkruan Gazeta Online Reporteri.net.
Lajmin e ka konfirmuar zëdhënësi i Policisë për Rajonin e Pejës, Driton Rugova.
Sipas Rugovës, personat e lënduar janë dërguar për tretman në Spitalin e Pejës.
“Sot rreth orës 17:20, Policia është informuar se në fshatin Drenoc-Klinë, ka ndodhur një aksident trafiku, në këtë aksident kanë qenë të involvuara një Kombi dhe një veturë, si pasojë e aksidentit 6 persona kanë pësuar lëndime trupore, të lënduarit janë dërguar ne Spitalin rajonal në Pejë për tretman mjekësor”, ka thënë Rugova.