Një i mitur është gjetur i vdekur në rrugën “Xhemajl Mustafa” në Fushë Kosovë.
Lajmin e ka konfirmuar për Reporteri.net Flora Ahmeti zëdhënëse e policisë për rajonin e Prishtinës.
“Sot rreth orës 17:30 kemi pranuar informatën se në afërsi të një ndërtese, në rrugën ‘Xhemajl Mustafa’ në Fushë Kosovë, ndodhet një person i shtrirë.
Menjëherë në vendin e ngjarjes kanë dalë policia dhe ekipi mjekësor , i cili ka konstatuar vdekjen e viktimës mashkull (i mitur)”, ka deklaruar Ahmeti për Reporteri.net.
Ajo më tej thotë se aktualisht hetuesit policor në koordinim me prokurorinë përkatëse janë duke punuar për sqarimin e rrethanave të këtij rasti. /Reporteri.net/.