Deputeti i Lidhjes Demokratike të Kosovës, Avdullah Hoti, ka kritikuar kryeministrin e Kosovës, Albin Kurti rreth kushtëzimit nga shtetet evropiane që po i bëhet për anëtarësim në Këshill të Evropës, shkruan Reporteri.net.
Franca dhe Gjermania kanë kërkuar kushtëzimin e anëtarësimit në Këshillin e Evropës me Asociacionin e komunave me shumicë serbe. Ndërsa, Qeveria e Kosovës ka thënë se nuk pranon që këto dy çështje të lidhen me njëra-tjetrën. Ndërkohë, Britania e Madhe ka thënë se e mbështet Kosovën pa kushte.
Kryeministri Albin Kurti e ka quajtur absurd kushtëzimin e të dyja shteteve që Kosova ta dërgojë draftstatutin e Asociacionit të propozuar nga Bashkimi Evropian në Gjykatën Kushtetuese për interpretim.
Komiteti i Ministrave të Këshillit të Evropës mblidhet më 16 dhe 17 maj.
Kosova, tash për tash, nuk është në agjendën e Komitetit të Ministrave të Këshillit të Evropës, i cili do të mblidhet më 16 maj në Strasburg
Postimi i Hotit në Facebook:
Kur Kosova KOORDINOHET me aleatët, ANËTARËSOHET … NUK KUSHTËZOHET.