Pas takimit që pati me ambasadorët e shteteve të QUINT’it, kryeministri Albin Kurti është kontaktuar përmes një bisedë telefonike nga Përfaqësuesi i Lartë i BE’së për Punë të Jashtme dhe Siguri, Josep Borrell.

Kështu kanë njoftuar nga Zyra e Kryeministrit përmes një komunikate për media, shkruan Gazeta Online Reporteri.net.

Sipas kësaj komunikate, në këtë bisedë telefonike, Kurti dhe Borrell “folën për procesin e dialogut, mbarëvajtjen e tij, për përmbajtjen e kornizës themelore të marrëveshjes, që për normalizimin e plotë të marrëdhënieve ndërmjet Kosovës dhe Serbisë duhet ta ketë njohjen reciproke në qendër, dhe për çështje aktuale“.

Përpos me kryeministrin Kurti, Borrell ka biseduar edhe me Presidentin e Serbisë, Aleksandar Vuçiq.

Vuçiq ka njoftuar se qëllimi i kësaj bisede ishte përparimi në dialogun ndërmjet Kosovës dhe Serbisë.

“Serbia është e përkushtuar të vazhdojë procesin dhe t’i zgjidhë të gjitha çështjet e hapura”, ka thënë Vuçiqi në Twitter. /Reporteri.net/.

Kurti insiston tek ambasadorët e QUINT-it në zbatimin e vendimit për targat: S’është i drejtuar kundër serbëve të Kosovës