Komisioni i Pavarur i Mediave ka reaguar ndaj sulmit të gazetarit Visar Duriqi.
KPM përmes një reagimi thotë se liria e shprehjes është garant për demokracinë e vendit tonë, prandaj është e papranueshme çfarë do veprimi që e pengon punën e gazetarëve dhe të mediave në përgjithësi.
“Ftojmë të gjitha institucionet kompetente që sa më parë të vendosin para drejtësisë autorët e këtij sulmi, duke krijuar ambient të sigurt për të ushtruar profesionin e gazetarisë”, thuhet në reagim.
KPM inkurajon të gjithë gazetarët që të kryejnë misionin e tyre, duke qenë në shërbim të zhvillimit të demokracisë në vendin tonë.
Kujtojmë se gazetari Duriqi u sulmua fizikisht mbrëmë pas mesnate para banesës së tij. /Reporteri.net/.