Disa nga pronarët e shtëpizave që janë vendosur nëpër sheshet kryesore të kryeqytetit për festat e fundvitit nuk po e respektojnë marrëveshjen me Komunën e Prishtinës.
Sipas Inspekcionit komunal në Prishtinë ata po vendosin më shumë tavolina nëpër hapësirat e tyre. e për këtë, Drejtoria e Inspeksionit po i ndëshkon ata që nuk po e përfillin marrëveshjen.
Këtë e ka bërë të ditur drejtori i Inspekcionit Adonis Tahiri, nëpërmjet Facebook-ut.
“Shfrytëzuesit e shtëpizave nëpër sheshe janë të obliguar ta zbatojnë marrëveshjen që e kanë nënshkruar me Komunën. Nuk mund të vendosin më shumë tavolina sesa ju takon, dhe duhet t’i mirëmbajnë ato!”- ka shkruar Tahiri.