Ish-kryeministri i Shqipërisë, Sali Berisha ka thënë se Gorge Soros ka qenë lobues që ai të shpallet “non-grata” nga SHBA-ja.

Berisha ka folur edhe për sanksionet që SHBA i ka vendosur atij dhe familjes së tij.

“Shpallja ime “non-grata” është një diktim i lobimit korruptiv të George Sorrosit dhe Edi Ramës pa asnjë provë dhe interes. Dhe fatmirësisht këtë nuk e them vetëm unë por ia thanë sekretarit amerikan edhe kongresmen”, tha Berisha për ATV.

“Unë kam deklaruar publikisht që George Soros të shpallet “non grata”. Edi Rama është njeriu më i pushtetshëm duke u krahasuar edhe me Ramiz Alinë dhe këtë ndihmë e ka nga Sorros”, tha ndër të tjerash Sali Berisha.

Berisha gjithashtu ka përsëritur se edhe kundërshtimi i tij për ndryshim kufijsh të Kosovës ka qenë një nga faktorët e këtij penalizimi.