Republika e Kosovës sot shënon 9 Majin – Ditën e Evropës, ndonëse tash e një vit është nën masa ndëshkuese nga Bashkimi Evropian, shkruan Reporteri.net.
Kuvendi i Kosovës shkruan se Kosova shënon 9 Majin, Ditën e Evropës, si dëshmi e orientimit evropian dhe synimeve strategjike.
“Për Kosovës, anëtarësimi në BE ka domethënie shumëdimensionale, duke filluar nga vlerat evropiane deri tek stabiliteti dhe zhvillimi socio-ekonomik që BE-ja përfaqëson”, thuhet në njoftim.
“Integrimi në BE zhvillon më tutje prosperitetin socio-ekonomik, sundimin e ligjit, stabilitetin dhe avancimin e mbrojtjes dhe respektimit të të drejtave të njeriut”, thuhet tutje.
Me anëtarësim në BE, sipas Kuvendit, Kosova përfiton:
Rritje dhe qëndrueshmëri ekonomike: hapje e dyerve për në tregun e përbashkët evropian, që mund të nxis rritjen e tregtisë, investimeve dhe vendeve të reja të punës.
Treg të integruar financiar: lehtësim në integrimin në tregjet financiare evropiane, duke mundësuar qasje më të lehtë në shërbime kapitale dhe financiare.
Prezencë më të fuqishme ndërkombëtare: fuqizimi i prezencës së Kosovës në ekonominë ndërkombëtare.
Agjenda legjislative e Kuvendit të Kosovës mëton të përputhet me standardet e BE-së dhe adreson çështjet si:
“Kuvendi i Kosovës mbikëqyrë nga afër procesin e integrimit evropian, duke u siguruar që përparimi i vendit të jetë në përputhje me standardet e BE-së dhe reformat e nevojshme të zbatohen për të arritur anëtarësimin”, thuhet tutje.