Më 14 janar, Albin Kurti i dërgoi letër Isa Mustafës, ku i bëri ofertë për rritjen e shtimit të ministrive nga 12 në 14 sosh, me ç’rast VV i ka 5 ministri kurse LDK 6 ministri.
Por këtë ofertë e refuzoi LDK-ja, ku një ditë pas tha se nuk është e interesuar për shtim të ministrive.
Nënkryetari i LDK-së, Lutfi Haziri, ka thënë se kjo ofertë e VV-së është bërë për të paraqitur partinë e tij si të etur për pushtet.
“Kërkesa për rritje të ministrive nga 12 në 15 është tendencë për ta paraqitur LDK-në si parti e cila ka etje me marrë më shumë pushtet e ministra, se sa përgjegjësi”, ka thënë Haziri në Klan Kosova, shkruan Reporteri.net.
Ai ka thënë se LDK nuk e sheh rolin e balancuar pa pjesëmarrje në Kuvend, që nënkupton marrjen e kryetarit të Kuvendit, pozitë që aktualisht e mban Glauk Konjufca i VV-së.
Kujtojmë se nesër VV e LDK do të takohen sërish, por këtë here pjesë e takimit do të jenë edhe përfaqësuesit e vendeve të QUINT-it dhe përfaqësuesja e BE-së në Kosovë. /Reporteri.net/.