Sot në orët e hershme të mëngjesit është plagosur një polic në Zllakuqan të Klinës.
Nga Policia e Kosovës kanë konfirmuar rastin për Gazetën Online Reporteri.net. Sipas Policisë rasti ka ndodhur në orët e hershme të mëngjesit.
Policia thotë se është njoftuar në orët e mëngjesit se hajnat kanë hyrë në shtëpinë e një priftit në Zllakuqan. Policia me të arritur në vendin e ngjarjes janë konfrontuar me hajnat dhe njëri nga policët është plagosur me armë zjarri.
“Sot në orën e hershme të mëngjesit rreth orës 03 e 56 minuta stacioni i policisë në Klinë është informuar se në fshatin Zllakuqan në shtëpinë e priftit kanë hyrë disa persona. Policia ka dalë menjëherë në vendin e ngjarjes dhe më të arritur kanë hasur në rezistencë me ç’rast një zyrtar policor është lënduar nga arma e zjarrit. Zyrtari policor është dërguar menjëherë në spitalin rajonal në Pejë dhe sipas mjekut kujdestar është jashtë rrezikut për jetë”, kanë thënë nga Policia e Kosovës. /Reporteri.net/