Çmimi për të shkuar në Haxh këtë vit është vendosur  të jetë 6 mijë e 350 euro.

Ky çmim është vendosur në mbledhjen e kryesisë së Bashkësisë Islame të Kosovës, të mbajtur gjatë ditës së sotme, shkruan gazeta online Reporteri.net.

Aty potencohet se ky çmim është vendosur bazuar në çmimet e akomodimit, taksave të ndryshme në Arabinë Saudite e aviotransportit.

Kujtojmë se vitin e kaluar, çmimi për të shkuar në Haxh ishte 5 mijë e 700 euro.

Vitin e kaluar, Kosova u rendit në top 15-shën e shteteve më të shtrenjta për të shkuar në Haxh për vitin 2022.

Haxhi kryhet brenda dhjetë ditëve të muajit Dhul Hixhxhe të kalendarit islam. Dhe është një nga pesë shtyllat e islamit, pas besimit, namazit, zeqatit e agjërimit të Ramazanit. /Reporteri.net/