Një grua bashkë me tre fëmijët e saj dyshohet se janë vetëmbytur në lumin Buna në Shkodër, shkruan Reporteri.net.
Një nga fëmijët, një vajzë 9-vjeçe është gjetur e pajetë dhe me shenja dhune, që sipas policisë janë shkaktuar nga babai i saj, Ergys Arazi.
Policia ka ndaluar bashkëshortin shtetasin Ergys Arazi për dhunë në familje, i cili më përpara kishte deklaruar për policinë se ka humbur kontaktet me familjen e tij.
Fëmijët e tjerë janë të moshës 6 dhe 4 vjeç. Ndërkohë polumbarët e forcave Renea ndodhen në Shkodër duke bërë kërkime për trupat e tre personave të tjerë.
Top Channel raporton se gruaja dhe fëmijët janë dhunuar sistematikisht nga babai i tyre, 31-vjeçari i cili tashmë është nën pranga.
Siç raportoi policia orë më parë, gruaja dhe tre fëmijët ishin larguar edhe nga banesa për shkak të dhunës që kishte ushtruar bashkëshorti i saj, shkruan Reporteri.net.