Kandidatja për presidente, Vjosa Osmani tashmë ka arritur në Kuvendin e Republikës së Kosovës, ku pas pak pritet të fillojë procesi i votimit për zgjedhjen e presidentit.

Ajo në sallë është parë teksa përshëndetë nga afër kreun e Lidhjes Demokratike të Kosovës, Lumir Abdixhiku, shkruan Reporteri.net.

Ndryshe nga LDK, dy partitë tjera opozitare, AAK dhe PDK kanë njoftuar se nuk do të marrin pjesë në seancë.

Ndërkohë thirrjet e Ambasadave të huaja në vend janë që të gjithë deputetët të marrin pjesë në seancën për presidentin dhe të përmbyllet cikli i formimit të institucioneve.