'Lufta bërthamore mund të nisë çdo moment', alarm i kuq në gadishullin e Koresë

Tensionet vazhdojnë të jenë të larta në gadishullin korean, ku sëfundmi zyrtarë të Koresë së Veriut kanë kërcënuar se lufta me armë bërthamore mund të nisë nga momenti në moment.


Han Song Ryol, një zyrtar i lartë i regjimit të Kim Jong Un akuzoi SHBA-të se po rrisnin tensionin në rajon duke bërë ushtrime të përbashkëta me Korenë e Jugut në formë kërcënimi ndaj Veriut.

"Në do të shkojmë shumë larg nëse ata (amerikanët sh.r) zgjedhin luftën"., - citohet ai të ketë thënë nga mediat kineze, përcjell DailyMail.

"Shtetet e Bashkuara të Amerikës kanë stacionuar në gadishullin tonë një ndër flotat më të fuqishme të tyre duke rritur tensionin këtu"., -theksojnë agjencia shtetërore e lajmeve të Koresë së Veriut.

SHBA-të kanë vendosur aeroplanmbajtësen "USS Carl Vinson" sebashku me destrojerë dhe kruizerë si edhe anije të tjera mbështetëse pranë ujërave të Koresë së Veriut, ndërkohë që Presidenti Donald Trump theksoi se kishte dërguar edhe disa nëndetëse të fuqishme në rajon.

Prania e shtuar e SHBA-ve në rajon vjen pas testeve të vazhdueshme bërtahmore të Koresë së Veriut dhe rrezikut që i kanoset Japonisë dhe Koresë së Jugut nga regjimi i Kim Jong Un-it. /Albeu.com/

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s'kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.