Anëtari i Aleancës për Ardhmërinë e Kosovës, Daut Haradinaj ka treguar se pse ka dhënë dorëheqje nga posti i deputetit ditë më parë, kurse vendin e tij e zuri infektologu Shemsedin Dreshaj.

“Falënderoj popullin për besimin që më ka dhënë që disa zgjedhje me radhë. Jam falënderues ndaj tyre. Por e pash të udhës që të lëshojë rrugën për deputetin Shemsedin Dreshaj.”

“Kam menduar se duhet të jetë në Kuvendin e Kosovës. Njerëzit po kërkojnë këso kuadro andaj duhet që të përfaqësohet. Mendoj se do të jetë vlerë e shtuar në Kuvendin e Republikës së Kosovës. Nuk mendoj se kam gabuar”, tha ai në T7.