Kryetari i Kuvendit të Kosovës, Glauk Konjufca ka folur për raportet mes Kosovës dhe Shqipërisë.
Konjufca ka thënë se “Ballkani i Hapur” ka bërë që dy shtetet të marrin kahje të kundërta, ndërsa ka thënë se kjo iniciativë është krijuar nga kryeministri i Shqipërisë Edi Rama dhe presidenti i Serbisë Aleksandar Vuçiq.
“Edi Rama bashkë me Vuçiqin është kirjues i Ballkanit të Hapur.Kosova me Shqipërinë kanë marrë kahje të kundërta, LVV dhe Qeveria po shpjegon se cili është interesi i Kosovës”, tha Konjufca, transmeton Gazeta Online Reporteri.net.
Ai tha se dallimet e tilla mes Kosovës dhe Shqipërisë po ndodhin për herë të parë.
“Për herë të parë po dallon Shqipëria me ato konceptet që i kemi ndaj Sebrisë duke menduar që Serbia është një shtet miqësor dhe mund të bashkëpunohet me të”, shtoi ai në një intervistë në T7. /Reporteri.net/
Konjufca: Reciprociteti ndaj Serbisë është gati dhe do të vendoset gjatë këtij mandati