Policia e Kosovës ka bërë të ditur se gjashtë persona janë lënduar në aksidentin e sotëm në udhëkryqin afër konvikteve në Prishtinë.
Zëdhënësja e Policisë së Kosovës për rajonin e Prishtinë, Flora Ahmeti tha për Reporteri.net se në aksident kanë qenë të përfshira dy vetura në lëvizje.
“Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku.
Në këtë aksident kanë qenë të përfshira, dy automjete të cilat kanë qenë në lëvizje.Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, tha Ahmeti.
Gazeta online Reporteri.net ka siguruar pamje nga vendi i ngjarjes: