Ministri i Ministrisë për Administrimin e Pushtetit Lokal në Republikën e Kosovës, Elbert Krasniqi, ka thënë ndalimi i zëvendësdrejtorit të Policisë, Dejan Jankoviq dhe disa zyrtarëve të tjerë të Policisë së Kosovës nga komuniteti serb, është provë e qartë e pozicionit hipokrit të Serbisë.

Ai në një postim në Facebook ka thënë se Republika e Kosovës në kuadër të drejtave të avancuara për komunitete joshumicë e ka ndër të tjera të përcaktuar që zëvendësdrejtorin e Policisë ta ketë nga radhët e komunitetit serb, e në anën tjetër sipas tij, i njëjti është arrestuar pikërisht nga autoritetet serbe.

Ndërkohë, sipas tij, Serbia rrejshëm ankohet për të drejta të serbëve në Kosovë.

Gërvalla thotë se MPJD-ja s’ka informacion nëse zëvendësdrejtori i Policisë është liruar nga Serbia

“Ajo pikërisht arreston, maltreton e kërcënon secilin serb që shfrytëzon të drejtat e tij në Kosovë e integrohet në vendin e tij. Rasti i sotëm i ndalimit nga Serbia të zv.drejtorit Jankoviq dhe disa zyrtarëve të tjerë të Policisë së Kosovës nga komuniteti serb është prova më e qartë e pozicionit hipokrit të Serbisë”, ka thënë Krasniqi.