Kryetari i Partisë Demokratike të Kosovës, Memli Krasniqi, njofton për vizitën e zhvilluar në Hagë te ish-presidenti Thaçi e ish-kryetari i Kuvendit Veseli, përcjell Reporteri.net.

Krasniqi thotë se kjo vizitë është pas gjashtë muajsh dhe se ish-krerët e UÇK-së i ka takuar ashtu siç i kishte lënë.

“I gjeta ashtu siç i kisha lënë herën e fundit: me moral të lartë dhe besimplotë në të drejtën e tyre, në të drejtën e Kosovës dhe në të drejtën e luftës së shenjtë të popullit tonë për liri”, shkroi Krasniqi.

“Fjalët, qëndrimi dhe kurajo e tyre, më bindin në secilën vizitë se të tillë do të mbeten deri në ditën e madhe të rikthimit në atdhe”, shkruan Krasniqi tutje.