Ndihmës Sekretari amerikan i Shtetit James O’Brien, ka uruar Gordana Siljanovska-Davkova për fitoren në zgjedhjet presidenciale të Maqedonisë së Veriut.

O’Brien e ka veçuar faktin se Maqedonia e Veriut ka zgjedhur presidenten e parë grua.

Ai tha se si aleatë, SHBA-ja pret me padurim të punojë me Maqedoninë e Veriut.

“Urime Presidentes së parë grua të zgjedhur ndonjëherë të Maqedonisë së Veriut, Gordana Siljanovska-Davkova. Si aleatë, partnerë dhe miq, presim me padurim të punojmë me Maqedoninë e Veriut për reforma kuptimplota dhe synime të përbashkëta përgjatë rrugës së integrimit euroatlantik”, ka shkruar O’Brien në platformën “X”, të enjten.

Congratulations to North Macedonia's first ever female President-elect, Gordana Siljanovska-Davkova. As Allies, partners, and friends, we look forward to working with North Macedonia on meaningful reforms and common goals along the path of Euro-Atlantic integration.

— Assistant Secretary Jim O'Brien (@StateEUR) May 9, 2024