Presidentja e Kosovës, Vjosa Osmani përmes një postimi ka falënderuar edhe një herë ligjvënësit evropianë që në këtë mandat kanë mbështetur vazhdimisht Republikën e Kosovës në rrugën e saj evropiane. Ajo ka falënderuar edhe presidenten Roberta Metsola që ngritën zërin për popullin e Kosovës.
Presidentja Osmani ka përmendur këtu edhe liberalizimin e vizave për Kosovën, derisa ka shtuar se rruga e shtetit tonë është ajo drejt BE-së.
“Kosova ishte e bekuar që kishte miq, aleatë, avokatë të panumërt eurodeputetë që na qëndruan pranë në Parlamentin Evropian. Ata vazhdimisht mbështetën vendosmërinë tonë të qartë ndaj BE-së, përkrahën me këmbëngulje procesin e liberalizimit të vizave dhe ishin kampionë të vërtetë të popullit tonë”, ka shkruar Osmani.
“Për presidenten Roberta Metsola dhe të gjithë euro-deputetët që ngritën zërin për popullin e Kosovës, faleminderit! Ne do të vazhdojmë të qëndrojmë në këtë rrugë, të papenguar. Kosova në BE”, ka shkruar Osmani në rrjetin social X.
This @Europarl_EN legislative term, Kosovo was blessed to have countless friends, allies, advocates—MEPs who stood by us.
They relentlessly supported our clear determination towards the EU, persistently advocated for the conclusion of the visa liberalization process, and were… pic.twitter.com/ZNescO5RfV
— Vjosa Osmani (@VjosaOsmaniPRKS) April 29, 2024
Qytetarët e Bashkimit Evropian do të votojnë nga 6 deri më 9 qershor për t’i zgjedhur 720 anëtarë të rinj të Parlamentit Evropian për pesë vjetët e ardhshme.
Parlamenti Evropian është njëri prej tre institucioneve kryesore të BE-së që e udhëheqin bllokun e 27 vendeve.
Së bashku me qeveritë e BE-së, ai vendos për ligjet në lidhje me politikat e përbashkëta evropiane dhe për tregun e BE-së që ka gati 450 milionë njerëz./Reporteri.net/