Ministri i Punëve të Brendshme, Xhelal Sveçla, ka njoftuar për pezullimin nga puna të zyrtarit të Ministrisë së Punëve të Brendshme, Riza Alshiqi dhe 5 zyrtarëve të tjerë të kësaj ministrie.

Sipas Sveçlës, pezullimi i Alshiqit vjen pas rastit të keqpërdorimit të detyrës për përfitime të biznesit të tij “Rent a car”.

“Referuar rastit të keqpërdorimit të detyrës nga zyrtari i Ministrisë së Punëve të Brendshme Riza Alshiqi, për përfitimet e biznesit të tij “Rent a car” në dëm të aseteve shtetërore, përveç inicimit të rastit për hetime në Policinë e Kosovës, i njejti bashkë me 5 zyrtarë të të njejtit departament sot janë pezulluar nga detyra”, ka shkruar Sveçla, përcjell Reporteri.net.

Ditë më parë, Sveçla njoftoi se kishte nisur hetimet ndaj zyrtarit të MPB-së, Riza Alshiqi, për shfrytëzim të parkingut të pronës së këtij institucioni për parkim të veturave me qira./Reporteri.net./

Njoftimi i plotë: