Njësitë Speciale e Policisë së Kosovës po zhvillojnë një operacion të madh në Karaçevë të Kamenicës, zonë kjo kufitare mes Kosovës dhe Serbisë.

Cak i këtij aksioni janë kazinotë ilegale që operojnë tash e sa kohë në këtë zonë kufitare, që njihet për krim të organizuar, kontrabandë e prostitucion.

Deri në këto momente raportohet për mbi dhjetë të arrestuar, derisa operacioni është duke vijuar. Në aksion janë të përfshirë edhe njësia elitë FIT, shkruan Reporteri.net.

Mësohet se në mesin e të arrestuarve janë edhe shumë zyrtarë të policisë së Kosovës.

Në Karaçevë po qëndrojnë edhe njësia elitare FIT, arrestohen disa persona për krim të organizuar

Aksioni nisi derisa në Kuvend të Kosovës po diskutohej pikërisht ky problem. Ministri i Punëve të Brendshme, Agim Veliu në seancën premtoi pikërisht mbylljen e kazinove në Karaçevë. /Reporteri.net/.

EKSKLUZIVE: Policia e Kosovës aksion në Karaçevë, cak krimi i organizuar në këtë zonë