Dje në Ferizaj, ëhtë arrestuar një burrë pasi ka shkaktuar dhunë në familje, përcjell Reporteri.net.
Policia e Kosovës përmes raportit 24-orësh, njofton se i dyshuari ishte në gjendje të dehur derisa ishte kthyer në shtëpinë e tij dhe ndaj viktimës femër kosovare kishte shkaktuar dhunë fizike. Policia e cilësoi veprën “dhunë në familje”.
“Viktima ka pësuar lëndime dhe ka pranuar tretman mjekësor. Është konfiskuar një armë zjarri për shkak se i dyshuari dhe viktima nuk kanë mundur ta prezantojnë lejen e armës. I dyshuari me vendim të prokurorit është dërguar në mbajtje”, njofton PK-ja./Reporteri.net/.