Kryetari i Aleancës për Ardhmërinë e Kosovës, njëherësh kandidat për president, Ramush Haradinaj, ka takuar përfaqësuesit e Odës së Hotelerisë dhe Turizmit të Kosovës.
Haradinaj ka shkruar në Facebook se është zotuar që viti 2021 do të jetë vit kur të gjitha sektorët e goditura ekonomikisht, do të ndjejnë dorën e shtetit.
“Bashkëbisedim përmbajtësor me përfaqësues të Odës së Hotelierisë dhe Turizmit të Kosovës. Dëgjova kërkesat legjitime të tyre, që Aleanca i ka përfshirë në programin e saj, konkretisht në Fondin e Ringjalljes Ekonomike. U zotova se viti 2021 do të jetë vit kur të gjitha sektoret e goditura ekonomikisht, do të ndjejnë dorën e shtetit. Do të ruajmë vendet e punës, të humbura gjatë krizës pandemike e do të stimulojmë edhe hapjen e vendeve të reja”, ka shkruar ndër të tjera në Facebook, Haradinaj.