Nesër, më 1 Maj, është Dita Ndërkombëtare e Punëtorëve në Kosovë, shkruan Reporteri.net.

Rëndom, si vitet paraprake, edhe ky vit e gjen vendin me protesta e pakënaqësi nga punëtorët.

Sindikata e Bashkuar e Arsimit dhe Shkencës, proteston në shenjë pakënaqësie ndaj mësimdhënësve dhe punëtorëve të tjerë. Marshi nis nga Biblioteka Kombëtare për të vazhduar drejt Qeverisë.

SBASHK-u paralajmëron protestë më 1 maj

Kjo protestë është paraparë të nisë në orën 10:30 dhe të zgjasë deri në orën 12:30.

Edhe Rinia Demokratike e Kosovës pritet të zhvillojë një aksion simbolik para Qeverisë së Kosovës në orën 10:00.

Rinia e PDK-së më 1 Maj aksion simbolik para Qeverisë së Kosovës

Gjithashtu, edhe Blloku Feminist Antikapitalist organizon marsh protestues për Ditën e Punëtorëve në orën 12:00.

Sindikatat, edhe në të kaluarën kanë kritikuar Qeverinë e Kosovës dhe Kuvendin e Kosovës, kryesisht për Ligjin për paga.

Ligji i Festave Zyrtare në Republikën e Kosovës përshinë njëmbëdhjetë festa zyrtare me dymbëdhjetë ditë pushim (dy ditë të Vitit të Ri, 1 dhe 2 janar).

Në mesin e këtyre festave, janë edhe: Dita e Kushtetutës së Republikës së Kosovës (9 prill); Dita e Punëtoreve (1 maj) dhe Dita e Evropës (9 maj).

Më 1 Maj punëtorët dhe sindikatat e tyre në çdo vend të botës, protestojnë për të kërkuar të drejta dhe kushte më të mira pune.

1 Maji i parë lind në Paris në 1889-tën. Ideja u hodh gjatë Kongresit të Internacionales së dytë, të mbledhur në kryeqytetin francez. Objektivi i organizatës së krijuar nga hiri i organizatës së parë ishte ai i koordinimit të aktiviteteve të të gjitha partive kombëtare të lidhura me lëvizjen e punëtorëve. U vendos të realizohej një manifestim i madh për t’i kërkuar autoriteteve publike që të reduktonin ditën e punës në 8 orë./Reporteri.net/.