Ministri i Financave, Bedri Hamza, është zgjedhur kryetar nga Kuvendi Zgjedhor në Partinë Demokratike të Kosovës, dega në Mitrovicë.

Me 159 vota të fituara ai do të udhëheqë degën e PDK-së si kryetar partie.

Hamza ka qenë në garë me kundërkandidatin e tij Eset Ujkanin.

Hamza para disa ditësh foli për Reporteri.net lidhur me kandidaturën e tij për kryetar të PDK-së në Mitrovicë ku procesin zgjedhor e quajti demokratik.

Kujtojmë se Partia Demokratike e Kosovës ka mbajtur edhe të shtunën dy kuvende zgjedhore të degëve në komunat e Ferizajt dhe Klinës.

Kryetari i Komunës së Ferizajt, Agim Aliu, ka marrë mbështetjen e plotë të delegatëve në kuvendin zgjedhor në Ferizaj për të udhëhequr degën e PDK-së në këtë komunë.

Ndërsa po ashtu, Sokol Bashota është zgjedhur me unanimitet të plotë kryetar i Degës së PDK-së në Klinë. /Reporteri.net/.