Gjykata Speciale e ka arrestuar Fahri Fazliun, nipin e dy dëshmorëve të kombit, Bahri e Fahri Fazliut.

Lajmin për e ka konfirmuar anëtari i familjes së Fazliut, Fadil Fazliu, i cili tha se i njëjti është arrestuar nga policia e EULEX-it.

“Është arrestuar. E ka dërgu djalin në çerdhe dhe më lajmëruan se e ka arrestuar EULEX-i”, tha ai për KlanKosova.

“Ende nuk po dihet se pse është arrestuar, kam tentuar të flas me avokatin, por ishte e pamundur”, është shprehur ai.

Specialja në shtator të vitit të kaluar pati bastisur banesën e Fazliut, për të cilën bastisje pati thënë se gjërat që i kanë marrë Specialja kanë qenë të kota për ta.

“Në banesë kemi pasur fotografi, por të gjitha janë publike në llogarinë time në Facebook. Asnjë dokument nuk ka qenë aty, përpos fotografi, libra të heronjve, Fahriut e Bahriut e të shumë shokëve që kanë ardhë aty”.

“Ndoshta ka qenë banesa jonë edhe si një bazë e UÇK-së, LKÇK-së e të LPRK-së, të gjitha organizatave që kanë vepruar për çlirimin e vendit kanë ngrënë e pi nga gjyshja ime e familja ime në përgjithësi”, pati thënë ai.

“Brenda është vëllai i tyre me familje, i kanë ndalë telefonat”, flet nipi i dëshmorëve Fahri e Bahri Fazliu për bastisjen e banesës

Bastisja në banesën e familjarëve të dëshmorëve Fahri e Bahri Fazliu, deklarohet EULEX-i