Sot kryeqyteti i Kosovës, Prishtina është bërë me dy shtatore të ish-Presidentit, Ibrahim Rugova dhe atë shumë afër njëra-tjetrës. Shtatoret janë vendosur larg njëra-tjetrës vetëm 900 metra largësi.
Shtatorja e Presidentit Ibrahim Rugova është inauguruar sot në oborrin e Katedrales “Nënë Tereza” në Prishtinë.
Shtatorja tjetër e Ibrahim Rugovës është e vendosur përballë ndërtesa kryesore të institucioneve të Kosovës, Kuvendit, Presidencës e Qeverisë.
Ipeshkvi i Kosovës, Dodë Gjergji dhe dy djemtë e Presidentit Ibrahim Rugova e kanë zbuluar shtatoren, e cila është punuar nga skulptori Fatmir Hoxha.
Ipeshkvia e Kosova kishte planifikuar që gjatë ditës së sotme që të inaugurohet edhe shtatorja e Anton Çettës, por është tërhequr nga vendimi një ditë më parë pas kundërshtimit të vajzave të Çettës./Reporteri.net